¿Que esperamos do Sr. alcalde?

O pasado sábado celebrouse o pleno de toma de posesións dos concellais e a elección de alcalde. Sorpresas non houbo asi que sigue sendo alcalde o Sr. MAnuel Gallego Vila ... que Dios grade por moitos anos.
Abrimos unha nova lexislatura da que por desgracia non esperamos moito mais que a pasada. Por resumir un pouco: abandouse o proxecto do Parque Empresarial do Val da Rabeda, case se consegue o peche da escola infantil municipal, aprobuse un plan de urbanismo que non soluciona os problemas do concello (non hai chan industrial, so se pode edificar nso núcleos rurais, ...), non se fixo nada por mellorar o transporte público, ..
Que lle pedimos dende aqui públicamente ao Sr. alcalde para empezar con bo pe:
1) Creación da Comisión de Urbanismo para empezar a traballar na mellora do actual plan de urbanismo
2) Mais competencias para o pleno e celebración de sesións pola tarde para facilitar a aistencia da xente
3) Mais transparencia na xestión: publicidade da orde do día das Xuntas de Goberno, comunicacións periódicas á veciñanza e colaboración cos grupos da oposición.
4) Modernización da xestión municipal: cita previa telefónica, mellora da páxina web, tramitación telemática, etc.
5) Creación don consello de participación cidadá, con participación de todas as asociacións veciñais.
6) Apoio indiscutible á escola infantil municipal.

Poderiamos seguir pero con eso conformános. Estes serán as nosas primeiras demandas.

Resignación, rabia, magoa, ...

Estamos no día despois, no día para reflexionar sobre o resultado das eleccións municipais. Os resultados de Taboadela resumense nunha palabra: continuidade. O PP segue a manter a maioría absoluta con 5 concellais ... cos mesmos 5 concellais que nesta lexislatura. O PSOE mantén os sues 2 concellais e o VE-TA e o BNG un cada un.
Unha vez mais Taboadela votou continuismo, vese que somos minoría os que pensamos que neste concello pasa os días sin pena nin gloria, sin avanzar, acumulando retraso e retraso, enm fin ...
Unha anślise mais polo miudo arroxa algún dato interesante. Por primeira vez o PP baixa do 50% dos votos, en concreto acadou 560 votos, o 48.74%.
Outro dato interesante, se xuntásemos osvotos de VE-TA e BNG acadariamos 3 concelleiros e o PP perdería un. Queda claro que as divisións nunca foron boas ...

Como indicaba no título non sei moi ben con que calificativo indicar o meu esatdo de ánimo. Por unha parte resignación ante o que parece non ter fin, por outra rabia por ver como o que se premia son os métodos do pasado, o carrexo, as ameazas, o cambalache de favores, o enchufismo. Por outra magoa, pror que as cousa podería ter sido doutro xeito, magoa de pensar que se cadra tivemos que facer algo mais, que se cadra tamén fallamos nos.

Pero se algo teño e mentalidade positiva, se alguén pensa que o vou deixar vai listo, seguiremos na mesma liña, pelexando, protestando e axudando no que se poda. Compañeiros e amigos, o mundo non se acabda aqui, nin moito menos. Hai unha cousa na que non nos gana ninguén: sentimos orgullosos de loitar pola xente, de axudalos, de protestar ante as inxusticias. NO BNG NIN SOMOS MANGANTES, NIN CACIQUES, NIN ESCRAVOS DE NINGUÉN, SOMOS XENTE HONRADA E LIBRE !!!

Veciñas e veciñas de Taboadela, graciñas a todos aqueles que nos votastes, lamentablemente non poderemos poñer en prácticas os nosos proxectos, pero si poderemos denunciar as irregularidades, os tratos de favor, as inxusticias. Pedimos a vos acolaboración para iso, por favor facédenos chegar as vosas queixas, avisádenos das inxustizas que vexades. NOS NON DAMOS AS COSTAS A NINGUÉN, NIN PEDIMOS NADA A CAMBIO, CUN "GRAZAS AMIGO" TEMOS MAIS QUE SUFICIENTE.

A campaña política vai rematando

Despois de días de traballo agotador a campaña electoral vai acdando o seu final. Persoalmente considero que as campañas son unha perda de cartos, de tempo e unha agresión innecesaria para o medio ambiente. Por outra parte teñen unha cousa boa: obriganos a todos a percorrer os pobos do concello, a falar coa xente e a coñecer de primeira man o estado do concello.

Ainda que xa o sabiamos, vemos como as preocupacións da xente son a falla de transporte, a ausencia de axuda nos momentos en que a precisaron, o problema da vivenda. Ao longo deste percorrido vimos buratos nas rúas, feismos ao pro maior, herba sen cortar, contedores do lixo en pésimo estado, etc. En conxunto moito abandono, moito atraso, moita deixadez.

O 99% da xente coa que falamos anímanos, dinos que temos que botar ao alcalde porque leva moitos anos sen facer nada, prométenos o seu voto ... pero non imos acadar o 99% dos votos... supoñemos. Logo algo pasa, será que non nos dixeron a verdade, será que o pensaron mellor, será que colleron medo, será polo carrexo do PP ... que os votos son os de sempre.

Pois que saiban todos os veciños de Taboadela que o BNG seguirá actuando como sempre, academos ou non a maioría precisa para desaloxar ao PP do goberno. Se o acadamos e temos que gobernar farémolo ... seguro que mellor que os de agora. E se non a acadamos e temos que continuar na oposición pois faremso oposición. O que seguro que non poderemos dende a opisición é mellorar o concello, resolver os problemas da xente, actuar no entorno, construir vivendas, etc.

O BNG quere comprometerse con Taboadela pero para iso necesitamos gobernar, co voso aopio conseguiremolo.

Programa electoral do BNG para Taboadela

Programa electoral 

municipais 2011

Estes son os 7 puntos básicos do noso programa electoral:

1. Benestar social

• Plan integral de atención aos maiores no fogar. Potenciaremos o programa de axuda a domicilio e o xantar sobre rodas, apoiaremos o voluntariado, faremos un seguimento persoal dos nosos maiores: queremos coñecelos un por un para saber dos seus problemas e necesidades.
• Programa de actividades para maiores. Farémolo en colaboración coas asociación, desenvolvendo un plan integral no que participarían todas elas. Haberá ximnasia de mantemento, obradoiros tradionais, viaxes organizados, festivais culturais, etc.
• Ampliación do centro de día e residencia de maiores. O número de prazas é claramente insuficiente, hai que duplicalo para atender a demanda e para o que a súa xestión sexa mais rendible.
• Creación do premio anual “Recaredo Paz” destinado a premiar a unha persoa do Concello ou da provincia que traballase desinteresadamente polos demais, especialmente polo maiores,nenos, minusválidos, inmigrantes, etc.

2. Política de vivenda e infraestructuras

• Plan municipal de vivenda social. En Taboadela non hai vivendas socias e pensamos que fan falla. Trataremos de facer nesta lexislatura un mínimo de 30 vivendas.
• Plan de rehabilitación nos núcleos rurais. No concello hai moitos núcleos rurais semiabandanados, non podemos dexialos morrer. Destinaremos cada ano unha partida de cartos para  mercar, restaurar e poñer en venda ou aluguer 10 vivendas.
• Impulso para o desenvolvemento de plans sectorias en Pereiras e Espiñeiro. Son as dúas zonas con mais posibilidades de expansión pero precisan de axuda para que os propìetarios poidan desenvolver plans sectorias, nos daremoslle o apoio que precisen.
• Construcción dun tanatorio municipal. Os minivelatorios que se están a construir nas parroquias non son a solución, nin xiquera son legais. Nos propoñemos a construcción dun tanatorio municipal, legal, limpo e funcional.
• Habilitación de locais municipais en todas as parroquias. En parroquias como Taboadela non hai locais para que as asociacións desenvolvan as súas actividades.  Nos comprometémosnos a habilitar polo menos un local en cada parroquia e a cedelo as asociacións que nolo soliciten.

3. Transporte público e novas tecnoloxías

• Ampliación das liñas e frecuencias do transporte público. Temos un transporte público penoso e imos apeor. Comprometémosnos a melloralo para dispoñer como mínimo de 4 frecuencias diarias no traxecto Allariz-Taboaela-Ourense e a lo menos unha frecuencia diaria entre cada pobo e Taboadela.
• Convenio coa Consellería de Educación para empregar o transporte escolar. Incomprensiblemente Taboadela non asinou o convenio para que a xente poda empregar o transporte escolar. Nos conseguiremos que as liñas que van cara o IES Univ. laboral e o CEIP de Seixalvo se sumen as liñas de transporte ordinarias.
• Acceso a Internet para todos. Non pode ser que no século XXI hax aínda en Taboadela zonas sen acceso a Internet e con mala cobertura de TV. Temos a firme convicción de acabar con esa tacha nesta lexislatura.
• Formación en novas tecnoloxías. Non chegar con ter acceso a Intern requírese coñecemento. Nos organizaremos cursos itinerantes de formación para que todas as persoas aprendar a navegar por Internet, facer trámites administrativos e manexen as aplicacións ofimáticas básicas.

4. Medio ambiente

• Limpeza dos cauces dos ríos e habilitación de paseos fluviais. Non temos moitos ríos pero hai que aproveitar o que hai. Estableceremos acordos coa confederación hidrográfica para limpar o río Barbaña, habilitar paseos ao seu carón, crear zonas de lecer no seu entorno, etc.
• Fomento de iniciativas silvo-pastorís que axudan a manter limpo o monte. Hai zonas no concellos que están convertidas nun bosque improductivo. Nos apoiremos iniciativas  de limpeza e explotación dos mesmos.
• Instalación dun punto limpo no concello. Estamos comprometidos co medio ambiente, coa recicllaxe e coa clasificación do lixo, Pero hai que facilitarlle o traballo a xente e por iso crearemos un punto limpo no que entregar os refugallos.
• Fomento do compostaxe e reciclaxe doméstico. Concienciaremso a xente do custo que supón para o conello o tratamento do lixo e explicarémoslle que, ademais de ser beneficioso para o medio ambiente, o reciclaxe e compostaxe será beneficiosa económicamente para o concello por canto diminuirá o volumen de lixo a tratar. E non so concienciaremos senón que apoiraremos económicamente estas actividades, a daremos formación ao respecto.
• Campaña de erradicacións das acacias. As zonas de acacias están medrando día a día, a medida que os incendios queiman os nosos montes. En colaboración con asociacións ecoloxistas levaremos a cabo unha campaña de erradicación das mesmas.

5. Actividade económica e industrial

• Creación de chan industrial. Se fose posible recuparemos o proxecto do Val da Rabeda, se a Xunta de Galicia non está pola labor desenvolveremos un novo proxecto. O noso obxectivo é crear un mínimo de 300.000 metros cuadrados nesta lexislatura.
• Axudas para novos empresarios. Unha vez que hax chan industrial haberá que atraer empresarios e para iso estudiaremos medidas de apoio, exencions fiscais e outras medidas.
• Acadar para o Mesón a estación de mercadorías de Ourense. Temops que poñer en valor a estación do Mesón e unha oportunidade inmellorable xurde coa saída das mercadorías da estación do Empalme, loitaremos para que veña para Taboadela.
• Legalización das empresas radicadas no Concello. Hai moitas empresas no concello que operan de xeito ilegal, non é o noso obxectivo pechalas pero si favorecer a súa legalización para que empezen a tributar como o resto de veciños.

6. Xestión transparente e participación cidadá

• Celebracións dos plenos do Concello polas tardes, para fomentar a asistencia do pobo. Queremos que a xente se achegue ao concello, que coñeza o seu funcionamento e para iso faremos o posible para que a asistencia de público aos plenos sexa a norma e non a excepción, como agora.
• Publicación na web e nos taboleiros das actas dos plenos e comisións de goberno. Esa é información públcia que debe ser coñecida por todos.
• Publicación das contas do Concello. Non pode quedar a menor dúbida da honestidade dos gobernantes e para iso non hai cousa mellor que poñer as contas a disposiciónd a xente. Cada céntimo que se gaste no concello será coñecido por todos os veciños.
• Reunión trimestral do grupo de goberno cos representantes veciñais, visitando as distintas parroquias. Queremos coñecer os problemas da xente a para iso iremos a falar con todos, sin esperar a que veñan á Casa do Concello.
• Creación dun consello de participación cidadá. Neste consello haberá represenantes de todos os colectivos e sectores sociais e terá unha participación activa na elaboración dos presupostos anuais do concello.
• Fomento do asociacionismo e apoio administrativo e económico as diferentes asociacións. Acabouse o oscurantismo no apoio as asociacións, todas serán apoiadas por igual, en función do criterios obxectivos: número de socios, actividades desenvolvidas, etc.

7. Educación, deporte e cultura

• Apoio incondicional á escola infantil e solicitude dunha galescola. Asinaremos un convenio coa APA da escola infantil para garantirlle unha dotación económcia anual coa que pdoas facer frente ao transprte escolar entre outras cousas.
• Creación das escolas deportivas municipais e apoio ao deporte de base: futbol, ciclismo, atletismo, etc. Inculcaremos non mais novos o gusto polo deporte afastandos así de outras actividades mais nocivas.
• Creación dunha escola municipal de música. Coñecemos as iniciativas e o interese de varias asociación ao respecto pero pensamos que se precisa unha escola municipal de música, co apoio financieiro do concello.
• Aproveitamento das infraestrucras existentes: piscina, polideportivo, pistas deportivas dos pobos, etc. Non basta con crear infraestructuras, hai que darlle uso e para iso propoñemos un plan de cursos, torneos, exhibicións, etc que atraia á xenta as mesmas.
• Apoio as actividades de formación para adultos: artesanía, saúde, igualdade, etc. Unha persoa formada é unha persoa mais libre e mais amante do seu patrimonio. Nos poremos en marchar un plan de formación para adultos en colaboración coas asociacións do concello.
• Valorización do noso patrimonio histórico. Temos elementos de moito interese cultural que compre poñer en valor: muiños, roteiros, pobos señoriais, fontes, igrexas, etc.
• Limpeza e sinalización dos camiños tradicionais. Sinalaremos roteiros, limparemos camiños, crearemos zonas de descanso. 
• Fomento da lectura. Crearemos unha rede de bibliotecas en colaboración coas asociacións, estableceremos unspremios anuais aos mellores lectores, faremos contacontos para nenos, etc.
• Proxeccións cinematográficas, ao aire libre no verán. Crearemos un cine itinerante polos pobos do concello con proxeccións ao aire libre potenciando o cine en galego.
• Creación dun museo municipal e establecemenos de obradoiros de restauración e catalogación de antigüidades.

Candidatura do BNG de Taboadela

Aqui vos amososo a foto de grupo dos compañeiros que me acompañan na candidatura para estas eleccións municipais. De esquerda a dereita están:
Pilar Prado, pintora por vocación e empresaria no sector da videovixilancia, veciña de Silvoso.
Antonio Blanco, licenciado en física e actualmente traballando como meteorólogo no sector das enerxías renovables, veciño de Pazos ainda que reside en Santiago de Compostela.
María Teresa Feijoo, funcionaria do INSS na Coruña, veciña de Abeledo.
José Manuel Prieto ( o Carabinas para os veciños), funcionario do Ministerio do Interior, veciño da Reguenga.
Mª Esther Losada, funcionaria de Facenda e veciña de Pazos.
Xosé Antón Vila (eu mesmo), doutor en física, profesor da Universidade de Vigo e actual concelleiro do BNG, veciño de Silvosiño.
Diana Sanromán, licenciada en Psicoloxía e veciña de Taboadela, ainda que actualmente cursa un Master en Santiago de Compostela.
Manuel Vila, ex-concelleiro do BNG e traballador de Telefónica, veciño de Silvoso.
Noelia Currás, diplomada en Traballo Social e veciña de A Telleira.
José Manuel Reguengo, técnico de ascensores, actualmente construe a súa casa en Taboadela pero é natural do Pumar.

Ese día estaban ausentes duas persoas e por eso aparecen no recadro, son:
Beatriz Cid, funcionaria do Estado e destinada actualmente en Toledo, natural de Pazos.
Beatriz Currás, administrativa e veciña de Santa Leocadia.

Como vedes trátase dunha candidatura de xente nova, 7 persoas repiten respecto da candidatura de fai 4 anos e incorpóranse 5 persoas novas. Dende logo son xente con moitas ganas de traballar, con moitas ideas e sobre todo con moita ilusión.

En próximas entradas no blog vos falarei mais polo miudo de alguns deles e masi irei desgranando alguns aspecto do noso programa electoral.

Pleno de marzo

O pasado día 31 de marzo celebrouse o pleno ordinario trimestral do cal vos resumo o mais interesante.
Mocións do gruipo mixto. O compañeiro do VETA defendou dúas mocións, unha pedindo a incorporación do Concello á rede de dinamización da Xunta e a outra pedidno que se faga un proxecto para mercar e rehabilitar unha casa en Taboadela e se pida financiación de Avinza, pensando no seu uso por parte da asociación de veciños. A primeria foi aceptada ... outra cousa é que se faga algo ou simplemente se deixe correr. A segundo foi rechazada. No debate desta moción o alcalde obsequiounos con outra das súas "perlas". Dixo: "cada home ten o que merece na vida, e cada pobo tamén" .... toma!!!!!
Aprobouse por unanimidade  tamén unha modificación de PXOM relativa á creación de solo industrial na zona donde están as naves do Jesús, preto de Soutomaior.
Debate dos presupostos:
PSOE: Saiu o tema da necesaria modificación do PXOM para solucionar o problemas do Espiñeiro e mais de Pereiras en relación co cal Jaun, o concellal de obras, Juan dixo que non hai necesidade, textualmente: "quen se ten manifestado aqui por iso? entón?". Do cal se deduce que considera que so hai interés cando hai manifestación, en conclusión que en Taboadela non hai necesidade de nada ... porque manifestación que eu saiba nunca houbo ningunha.
VETA: Pide que se aproben os presupostos a tempo, que nunca se fai. En relación con iso di o alcalde que facer os presuposto é fácil "... total é facer fotocopias".  Outra perla mais do alcalde: " o que ten vantaxes ten inconvintes" .... Dios, candta sabiduría!
Neste debate ao alcalde escapouselle o que supoño será a súa promesa estrela na vindeira campaña electoral, dixo: " vaise desenvolver o val da Rabeda".
Os presupostos aprobáronse por 5 votos e favor e 4  en contra.
Preguntas do PSOE:
¿Onde se vaiconstriur o parque infantil? No monte de San Xoan
Preguntas do BNG:
¿Hai algo asinado coa APA da escola infantil? Non
Preguntas do VETA:
Asinouse un convenio de 22.000 € recentemente, para que? Para mellorar as calzadas de Pasadán, San Jorge, Telleria, Silvosiño e Xociños.
A última obra das beirarrúas do Espiñeiro, financiouna Política territorial? Prmeiro respostasn que non se sabe de onde ven, logo o alcalde di que "é pola jeta do alcalde".
¿Canto cosa a escultura de bronce do polideportivo do San Xoan? 20.000 € (ollo, non me equivoquei, mais de 3 millons de pesetas)

Que pasa en Islandia?

Fai uns días lin un comentario no Facebook que me fixo reflexionar. Falaba da reacción do pobo islandés ante a crise. Cando o lin non o crin, pensei que se trataba do típico bulo que alguén lanza e empeza a medrar e medrar.
O que alí se contaba era que, o goberno islandés, no ano 2008, ante a deuda inmensa que determinados bancos islandeses contraeran con outros bancos ingleses e americanos, pediulle ao pobo unha contribución extraordinaria para saldar esa deuda.
O pobo botouse a rúa e conseguiu a dimisión dese goberno e a convocatoria de novas eleccións. O novo goberno de coalición socialdemócrata-verdes, negociou un mellor trato con eses bancos extranxeiro, pero de novo a xente non estivo de acordo a negouse a pagar. É mais, iniciaronse procesos contra os responsables da crisis: banqueiros, políticos, etc.
Eu non sei como está o conflicto nese momento pero estou seguro que a resolución será moito mais ventaxosa que simplemente facer o que nos manden dende fora ... a que vos sona esto, se cadra a cando Zapatero vai preguntar a Bruselas o que ten que facer?

Mais información en: http://www.elpais.com/articulo/primer/plano/Islandia/queda/felicidad/elpepueconeg/20100117elpneglse_2/Tes

Despois dun par de anos malos parece que empezan a remontar e a medrar pero, deixaranos tranquilos o resto de gobernos? Está claro que son un mal exemplo, e se a outros países se lle pasa pola cabeza seguir o seu exemplo? De momento os poderes fácticos téñeno claro: silencio informativo, ou é que vos escoitarades antes algo disto?

Este mes está de actualidade Portugal pola súa negativa a aprobar as medidas económicas solicitadas polo presiente, o que provocou a súa dimisión. É malo isto? Pode parecer que si pero eu non o teño tan claro, xa veremos o que fai o novo goberno e despois falaremos.

Por certo, xa que falamos de Islandia, fai unhas semanas lin un interesante libro de Amin Maalouf chamado "Identidades asesinas" do que agora non procede falar pero no que se menciona a Islandia como exemplo de pobo comprometido co seu idioma, o islandés, e do xeito en que o compatibilizan perfectamente co inglés e mesmo co danés ou o alemán... e so son 300.000 ...

Convención nacional

Onte sábado, día 26 o BNG celeborou en Santiago a súa Convención Nacional, para marcar a saída da precampaña cara as eleccións municipais do 22 de maio.
Para min e os compañeiros e compañeiras de Taboadela que alí estivemos resultou un acto fermoso.
Gustariame que moitos de vos escoitarades as verbas de varios alcaldes do BNG, moitos deles descoñecidos porque non saen na tele nin nos xornais todas as semanas, pero cheos de ilusión, de gañas, de amor polo seu pobo. Especialmente impactaronme as palabras da alcaldesa de Tomiño e o alcalde de Manzaneda. Non teño ningunha dúbida de que eses concellos seguirán tendo a sorte de contar con alcaldes inmellorables.
Falando xa das cidades ali estaba o alcalde de Pontevedra. Non sei se tendes visitado últimamente esa cidade, recoméndovolo, veredes a pegada do BNG. Onde temos a maioría suficiente para poñer en práctica as nosas ideas nótase.
Pero despois do soño ven a realidade e un pregúntase: que mal fixemos en Taboadela para merecer este goberno municipal? alguén o identificaría con ilusión, savia nova, século XXI, cultura, orgullo? ... eu non!
Como di o noso himno ... os tempos son chegados ...

O bus escolar pasa por Taboadela ... de largo

Onte saía na prensa a noticia de que o programa "TES+bus" ampliaba o seu ámbito. Mediante este programa promovido pola Xunta de Galicia, o transporte escolar é empregado no rural, donde hai pouco transporte público, para ofrecer servizo á cidadanía. n Ourense incorporáronse 9 concellos novos e ampliaronse rutas en outros ... e Taboadela ... pois coma sempre: aqui non saben de que vai iso.

Na seguinte dirección podedes consultar a lista de Concellos que participan e as liñas que teñen:

http://cmati.xunta.es/portal/cidadan/pid/2038 

Veredes que está Allariz, Ourense, Xunqueira de Ambía, A Merca, ...

Non é a primeira vez que lle plantexamos ao noso Alcalde en pleno este tema, por que non o impulsa? ... porque non quere? porque non sabe? porque non lle deu por ahi? porque a xente non lle protesta?... el saberá por qué.

En definitiva outro exemplo maís ... e xa van moitos, de que en Taboadela o tempo pasa mais amodo que noutros sitios, que rixe a política de "non molestar por favor", que salvo que a oposición se poña  facer ruído sobre un tema as cousas deixanse "enriba da mesa" polo séculos dos séculos.

Recoméndovos que asistades a un pleno do Concello, recibiredes unha lección de historia, un exemplo práctico de goberno absolutista, unha reminiscencia do "ordeno y mando". O ano pasado chegamos a ter un pleno de 5 minutos donde o Alcalde abriu a sesión e a pechou, sen deixarlle abrir a boca á oposición... bueno remato que me quento e eso non é bo!

Canto tempo mais seguiremos así?

Mediación en conflictos e a fin de ETA

Hoxe a banda terrorista ETA emitiu un comunicado que, aínda que non ideal, supón un paso adiante cara o fin do terrorismo en Euskadi.  Congratulome por iso e espero que a obcecación de algúns líderes políticos non nos leve ao fracaso outra volta mais. Espero que non se trate de sacar réditos políticos disto, que non se bote mais leña ao lume ... porque non nos engañemos, a algúns vaille moi ben que siga existindo o problema do terrorismo!

Non creo nas coincidencia pero hoxe estiven escoitando unha conferencia en Internet dunha persoa que se adica a mediar en conflictos internacionais, que ten estado en Chechenia, Sudáfrica, Venezuela, Colombia, Oriente Médio, ...  A charla está en inglés pero ten subtítulos en castelán: recoméndovola (http://www.ted.com/talks/william_ury.html) .

A charla titúlase "do camiño do non ao si" e plantexa unha idea moi simple: o camiño para resolver conflictos é buscar "o terceiro lado",  a comunidade que rodea ao conflicto, os amigos no caso dun conflicto familiar, os países veciños nun conflicto entre países, etc. Pensade no conflicto posiblemente mais difícil agora mesmo, o árabe-israelí, é irresoluble? Seguro que se o resto de países, no canto de dividirse entre aliados de uns e de outros buscasen os puntos comúns, creasen un clima propicio, axudasen .. pero non con armas, a cousa tería mais posibilidades. O ponente mesmo fai unha proposta concreta: buscar as raíces comúns a xudeos, cristiáns e árabes: Abraham.

Pensando no caso vasco pasa algo parecido. Ao marxe de ETA é claro que hai un conflicto en Euskadi, que hai un sector de poboación independentista, que tampouco os militantes do PP viven moi tranquilos, que a historia lles da a razón a uns ou a outros igualmente,  que na época da dictadura se cometeron moitos excesos, ... pero non poderiamos os "países veciños" buscar ese "terceiro lado" ese ambiente propicio, ese clima positivo. En vez de facer manifestacións pola liberdade de Euskadi ou contra o terrorismo porque non ofrecernos como mediadores, por que non buscar vías para que todo o mundo fale, opine, facilite as canles para que as distintas partes poda achegar posturas.

Fai xa varios meses que eu mesmo fixen un curso de mediador en conflictos na Universidade de Vigo no que aprendín moitísimo. É impresionante o que un bo mediador pode facer para resolver conflictos. Prométovos que nese curso traballamos sobre varios supostos que, en principio, parecía que non tiña solución posible, e que finalmente foron resoltos.

Ben, disculpade pola parrafada pero a charla que acabo de escoitar deixoume realmente abraiado, remato cunha frase que sae nesa charla ... e que ben moi ben para os políticos: "fala enoxado e farás o mellor discurso que teñas que lamentar".