Sube o recibo da luz

O goberno do PSOE acaba de aprobar unha suba do 9.8 % no recibo da luz para o ano que ben. Imos explicar porqué sobe e que podería facer o goberno para evitalo ... se quixese.
Esa suba ben motivada porque supostamente o prezo que nos pagamos pola electricidade non reflicte os custes reais, co cal se supón que as compañías eléctricas están perdemndo cartos (aínda que acumulen millóns de euros de beneficios, ¿vos entendedes iso?).
Un dos factores que inciden nesta subida é o recente decreto do carbón, que prima a producción española, fundamentalmente asturiana, fronte a extranxeira. Este decreto é dobremente lesivo para Galiza por canto vai supor o peche das nosas centrales térmicas, que operan con carbón importado.
Outro factor a ter en conta é como se calcula o precio de producción do Kw. Hai distinats maneira de producir electricidade (centrais térmicas, hidroeléctrcias, etc). Pois ben, o precio do Kw calcúlase polo medio mais caro, se despois as empresas eléctricas o producen mais barato ... pois beneficio para elas.
En resumen, que nos dan polo ... e nos caladiños. Ata cando!
O BNG propón algunhas medidas que permitirían evitar esta suba:
1) derogar o decreto do carbón. Decatádevos do importante que sería que Galiza decidise neste ámbito tamén, e non estar ao que se dispoña dende Madrid. Polo menos poderiamos negociar, e non acatar.
2) Reformar a lei eléctrcia para que o precio do Kw se calcule mais xustamente ... para os consumidores claro!.

Cada día estou mais seguro de que quen goberna en Europa e en España ... e tamén en Galiza, son as grandes empresas: constructoras, enerxéticas, medios de comunicación, etc. De vez en cando permitenlle ao goberno de turno que nos dé un carameliño aos humildes cidadáns para que calemos e xa está. Pronostico que xa teñen preparado un para calmarnos despois desta suba brutal da luz, a maior dos últimos 28 anos.

Pleno de decembro

O pasado día 23 de decembro celebrouse o derradeiro pleno do ano, resumo aqui os acordos mais relevantes.

Antes de iniciar o pleno eu, como concelleiro do BNG, lin un escrito decindo que no futuro me absteria de participar nos debates e votacións, como medida de protesta ata que o grupo de goberno solucione dunha vez o problema da escola infantil, tal e como prometera no mes de xuño.

1) Aprobación de actas da sesións anteriores.
Apróbanse con algunha matización feita polo concelleiro do VETA.

2) Moción do camiño do Corgo
Presentada polo PSOE en relación ao estado do camiño co Corgo. O Alcalde di que xa hai varias reclamacións contra a empresa que fixo as obras para que o arranxe.

3) Moción sobre a escola
Presnetada polo PSOE pedindo 3 cousas: darlle solución ao problema do transposte dos rapaces, que se faga un proxecto para trasladala a Lama de Prado e que se ceda o local actual para a AAVV de Taboadela.
Suscítase un acalorado debate, sobre todo entre o Alcalde e o concelleiro do VETA. Finalmente o grupo de goberno acepta a primeira solicitude  e rechaza as outras dúas.

4) Moción sobre o río á altura da Venda do Río
Presentada polo PSOE pedindo que se de conta á Confederación Hidrográfica para que limpe o cauce do río. Recházase.

5) Concertación dunha operación de crédito a longo plazo
Aprobouse que o Concello concerte un préstamo de 360.000 € para facre frente aos pagos de 2008,2009 e 2010 relacionados coa nova traída de augas. Aprobouse so cos votos do grupo de goberno.

6) Aprobación da ordenanza pola tasa da piscina.
A partires de agora haberá que pagar para facre uso da psicina, en concreto haberá unha cuota de 18€/ano para as familias empadroadas no Concello e un precio de 1€ para un baño (0.50 € para os nenos). O precio por día para as persoas non empadroadas será de 3 €.

7) Aprobación da ordenanza da tasa polo pabillón.
Para os particulares o prezo será de 15€/hora, para os actos organizados polo Concello, asociacións sen ánimo de lucro, escola infantil, etc  gratis. Para asociacións artísticas  e culturais 5€/hora+gastos, para espectáculos públicos 100 € hora + gastos. A publicidade cobrarase a razón de 150 € por metro cuadrado e ano.

8) Rogos e preguntas.
Destacamos as seguintes preguntas do concelleiro do VETA
- Cómo foi o contrato dunha persoa para centros de recreo?
- A factura de 2500 € que parace sobre a recollida de lixo despois da festa de Soutomaior é correcta?
- Vaise resolver o concurso de persoal antes das eleccións?
-Rogo transmitido por varias asociacións do concello: solicitar a organización dun curso sobre o manexo de productos fitosanitarios.

Santa Leocadia

Hoxe estava lendo o xornal "La Voz de Galicia" e lin unha nova sobre a rede Wifi que se acaba de inaugurar en Ourense,  que vai ampliar o número de puntos de acceso.
A seguinte nova titulábase Santa Leocadia e dixenme ... haber se ten algo que ver e tamén inanugurar unha rede wifi en Santa Leocadia e eu sin enterarme. E dixen por fin, un problema menos en Taboadela, por fin todos os veciños terán acceso a Internet, por fin imos deixar de ser os últimos parvos, por fin alguén escoitou as nosas demandas. Pensei, haberá que celebralo, teño que falar cos meus amigos desa zona do Concello e decirllo por se non leron a nova.
Premo no enlace correspondente e ... vexo que informan da "vida y obra de Santa leocadia", unha martir que viviu no século III. E como no conto da leiteira ... volvemos á crua realidade: uns disfrutan de redes wifi de acceso público e ADSL de 100 Mb e outros seguen co acceso por modem a 56Kb.
Esto non pode seguir asi, teremos que facer como os controladores e paralizar algo para que nos escoiten, ... bueno pero hai que ir con tino porque na cadea non queremos acabar!

De folgas e de alarmas

O título deste artigo copieillo ao compañeiro Carlos Aymerich, dun artigo de opinión publicado no Xornal fai uns días (enlace ao artigo orixinal), supoño que non lle molestará.

O pasado fin de semana todos quedamos impresionados co caos aéreo provocado polo paro dos controladores. Como se trata dun colectivo que cobra salarios astronómicos e parece que traballan poucas horas, pois todo o mundo en contra deles. Ata ahi todo lóxico.

Pasemos agora a analizar a resposta do goberno, contundente, dura, firme e efectiva. En 24 horas conseguiuse o regreso dos controladores e o reinicio dos vos. Por suposto o apoio ao goberno foi case unánime .. teño que recoñecer que entre eles tamén estaba eu.

A medida tomada, o "estado de alarma", non soa tan forte como o "toque de queda" ou o "estado de sitio" pero non deixa de ser unha medida moi excepcional, tomada por primeria vez na democracia e que supón a toma de control por parte dos militares de actividades civís. Non é que eu sexa un "antimilitar" pero cos antecedentes que temos en España hai que recoñecer que produce certo"repelús".

Mais teño que recoñcere que foi o artigo do compañeiro Aymerich o que me abriu realmente os ollos, o que me fixo entender esa repentina firmeza do goberno socialista ... cando en outros asuntos vai a deriva e se amosa feble e desnortado. Non deixa de ser unha hipótese pero ... será que ten algo que ver esta firmeza e esta provocación aos controladores co intento de privatizar AENA.  

En principio moita xente estaria en contra de privatizar os servizos públicos, de venter propiedades do estado para que as empresas fagan negocio ... pan para hoxe e fame para mañá. Pero agora a cousa cambia, agora a xente vai ver a privatizacióin de AENA como unha patada no cu aos controladores, que pasarían a ser traballadore dunha empresa privada e que terian que entenderse con eses novos amos.

Que lección saco eu disto: hai que ser mais precavidos cando xuzgamos feitos que so coñecemos pola prensa ... que xa sabemos en mas de quen está, hai que pensar que os gobernantes non dan puntada sin fío, outro refrán: pensa mal e acertarás. 

Conferencia de Guillerme Vázquez

Hoxe pola mañán asistín á conferencia  que pronunciou Guillerme Vázquez en Ourense, na Facultade de CC Empresariais e Turismo titulada "como afortalar o tecido productivo galego". A min paréceme que pronunciar unha conferencia sobre temas económicos diante dun auditorio de expertos e sin ser economista debe de acojonar ... pero Guillerme saiu bastante ben do apurto.
Ante de nada quero mencionar unha frase do profesor Santiago Lago, organizado do evento moi atinada. Cando presentaba a Guillerme dixo que era o portavoz do BNG, un dos tres partidos maioritario galegos ... bueno, que operan en Galiza, pillastes o matiz?
Non vou resumir a confrencia de Guillerme, mais si contar o que me transmitiu ou o que aprendin na mesma.
Guillerme insistiu moito nas consecuencias económicas das decicións políticas, lembrando que non sempre a economía se move por si soa. Puxo varios exemplos, alguns mi recentes, como o préstamo que o Ministerio de Economia estivo negando aos asteleiros Vulcano ata que a Xunta presionou un pouco, e que puido levar á quebra a empresa e a centos de traballadores á calle.
Neste caso salvouse o asunto pero noutros casos as decisión políticas perxudicaron claramente á Galiza: decreto do carbón, veto á Astano, negociacións pesqueiras en Bruselas, etc.
Outro aspecto que resaltou Guillerme foi a importancia dun maior autogoberno para Galiza, tanto en temas fiscais, como en relacións con Europa, como en política agraria e pesqueira, etc.
En resume unha charla moi amena, moi instructiva e moi necesaria ... lástima que quen ten o poder para cambiar algunahs cousas esté de paseo por Cataluña, ou se cadra xa está en Madrid, vai ti saber, menos en Santiago!!

O noso apoio ao pobo sahariano

Onte o goberno de Marrocos deu outro paso máis no asoballamento do pobo sahariano, precisamente no día en que se ían iniciar conversas formais na sede da ONU entre representantes marroquís e saharianos, coincidencia? seguro que nón. Posiblemente Mohamed VI e os seus compinches tratan de dar mostras claras da súa posición de poder, da súa intención de non abandonar o Sahara, e de negociar "cousiñas" menores, para calmar a eses gobernos occidentais ... bueno mais ben a algúns habitantes deses países porque realmente os gobernos pouca presión están  a facer.

Hoxe día 9 o BNG convocou concentracións de apoio ao pobo sahariano en todas as vilas galegas. A foto corresponde á concentración de Ourense, diante da subdelegación do goberno.  Xuntámonos unhas 200 persoas, que escoitamos unhas verbas dun representante do frente polisario e mais da portavoz do BNG no concello de Ourense, Isabél Pérez.

Hai que ser moi positivos e estar moi esperanzados cando se ven todas as inxustizas que hai hoxe no mundo (Sahara, Palestina, Afganistán, Sudán, Etiopía, China, ...), como os poderosos cada vez controlan mais todo, como os pobres son cada vez mais pobres, como se xustifican crimes con tal de acadar vantaxes diplomáticas ... e seguir loitando contra vento e marea, contra inimigos que teñen a prensa na súa man, que loitan con diñeiro mais que con armas, contra gobernos servos do banco mundial, do fondo monetario internacional, dos lobbies europeos e americanos, dos propios Estados Unidos, dos fabricantes de armas...

Hoxe mais que nunca quero transmitir unha mensaxe: non podemos quedar calados, hai que protestar, manifestarse, decir basta, que non nos tomen por parvos, que non somos cordeiros. Hai que meterlles medo aos poderosos, hai que  ACOJONALOS.

E non digo mais porque me quento.

Por un Sahara libre!!!!

cando se pensa no Concello e non nos colegas de partido

Hoxe tivemos pleno extraordinario no Concello. O primeiro punto era un trámite, a aprobación definitiva do plan especial de infraestructuras do monte do San Xoan. Eu astívenme, non polo plan en si, senón como medida de protesta porque penso que xa vai sendo hora de pensar en modifiacións do PXOM que permitan crear zonas residenciais e industriais.
Teño que decir que antes de empezar o pleno o compañeiro do VETA dixo que a partir dese momento non iba participar en ningunha discusión nin votación en protesta polo incumplemento por parte do grupo de goberno de varios acordos do pleno, especialmente da solución do problema da escola infantil. Eu estou totalmente de acordo con esa protesta e dende logo, se non se trata no vindeiro pleno ordinario tomarei de xeito particular, ou en colaboración co resto de concelleiros da oposición, algunha medida de protesta.
A miña sorpresa veu no segundo punto, no que se tratou o estudio informativo e de impacto ambiental da nova estrada que pretende conectar os polígonos industriais coa A-52. O que se plantexasn son 4 alternativas que parten todas de Santa Marta e rematan na Merca, na actuaal saída da autovía. No seu momento eu, como concellal do BNG xa presentara unha alegación en contra da alternativa 4, a mais lesiva para o noso concello, pois divide aos pobos de Santa Leocadia e A Reguenga.
Pois ben, soprendentemente o Sr. Alcalde comenzou dicindo que a el non lle gustaba ningunha das alternativas porque ningunha delas solucionaba a conexión do futuro parque do Val da Rabeda ... ou se xa que aínda non da por perdido ese parque do cal me alegro MOITÍSIMO.  Cando me tocou o turno amoseille o meu acordo con esta postura, se ben é verdade que opinei que se podía continuar a conclusión decindo que, de optarse por facer unha das alternativas propostas, deberiamos protestas ou alegar contra a dita alternativa 4, por ser a mais mala para o noso Concello. Tamén indiquei que se podía suxerir como posibilidade o desdoblemnto da N-525 entre Santa Marta a Allariz. Con iso daríase saída ao polígono de San Cibrao e tamén ao futuro parque do Val da Rabeda. Aprovouse por unanimidade presentar unha alegación neste sentido.
En conclusión, igual que cando fai as cousas mal  o critico, cando o Sr. Alcalde se comporta como debe, e defende os intereses dos veciños o alabo. Parabens Sr. alcalde !

Xornada de traballo municipal

Este sábado tivemos unha xornada de traballo os concellais e algúns militantes do BNG na comarca de Allairz-A limia-Maceda. Foi unha xornada intensa (dende as 10 da mañán ata as 7 da tarde) pero a verdade é que mereceu a pena. Puidemos coñecer de primeira más as obrigas e as tarefas dos alcaldes do BNG na comarca.
Primeiro estivemos en Vilar de Santos donde o alcalde, Xan,  nos falou nda necesidade de planificación, do importante que é conseguir que os veciños se sintas orgulllos do seu pobo .. e abofé que el o conseguiu! Logo visitamos o parque empresarial que con moito esforzo conseguir crear neste pequeno concello de 1000 habitantes.
Logo visitamos Allariz dende coñecemos obras como a Casa da Mocidade ou o Festival Internacional de Xardíns. O alcalde, Paco, explicounos por exemplo que ainda que pareza que Allariz xa transformada e xa é un referente mundial, ainda teñen moitas ideas e proxesctos ilusionantes para facer medrar e progresar ainda mais esta vila.
Finalmente, xa pola tarde estivemos en Maceda dende nos recibiu o Alcalde, Xavier, e nso explicou o que puideron facer neste 3 anos e medio de goberno. De todos é coñecida a recuperación do Castelo, pero penso que aínda mais importante é que xa conseguiron cambiar o xeito en que os veciños miran ao seus alcalde. En Maceda os plenos son as 8 da tarde e nun local amplo para que todos poida acudir a presencialo, as visitas a pobos rurais son frecuentes, a supervisión persoal das obras, en definitiva a proximidade de alcalde e concellais ao pabo. Se siguen traballando asi nas próximas eleccións mesmo acadarán  amaioría absoluta.
Cando este alcaldes nos comentabasn as potencialidades dos seus concellos e a maneira en que eles as aproveitaban, a min, e supoño que a outros conellais que estamos na oposición, caísenos a alma aos pes, pensadno nas potenciualidades dos nosos propios concellos e no desaprobeitadas que estás. Taboadela está a 12 Km de Ourense, a 5 do polígono de San Cibrao, ten dous enlaces da autovía A-52 e mesmo unha estación de ferrocarril. Por ela pasa o Camiñod e Santiago, o río Barbaña e ... como di un copmpañeiro meu ¡ata os avisóns que van cara Madrid! Cun un pouquyiño de traballo e de iniciativa, como podería estar hoxe Taboadela e como está! Sobran mais explicacións ...

Noitebus

Seguindo esta política de "austeridade"  da Xunta de Galiza seguimos cos recortes sociais. Agora tócalle ao noitebus, un servizo que creo de evidente interese para os xoves ... e os non tan xoves que saen de marcha nas cidades.

Por menos cartos do que gasta a xunta en publicidade poderiase manter ese servizo en todas as cidades galegas pero ... vai ser que non. Bueno, se cadra para os fillos dos ricos non é moito problema, seguro que sempre hai un taxi a man!.

Galiza nova está a recoller sinaturas para pedir que se manteña o servizo. Se queredes sumarvos contactade con nos ou calquera membro de Galiza Nova.

A Xunta de Galicia gasta 4.7 millóns de euros ... inultilmente

Estos días sae na prensa a noticia de que a Xunta de Galicia vai gastar 4.7 millóns de euros en comprar licencias de productos software de Microsoft. O pasado xuño de 2009 xa gastara outros 2 millóns de euros noutro lote de licencias.

Ver noticia no Xornal: http://www.xornal.com/artigo/2010/10/19/politica/xunta-gasta-4-7-millons-no-maior-lote-licenzas-microsoft-da-sua-historia/2010101900230200273.html

Supoño que a moitos de vos vos sona o do "software libre", trátase de programas informáticos que non custan nada, son gratis. Exemplo deste tipo de programas sería o Linux (para sustuir ao Windows), o Openoffice (para sustituir ao word e ao powerpoint) o Firefox (para sustituir ao Explorer). Bueno, se tedes interés en coñecer outro tipo de programas deste tipo recoméndovos este enlace:

 http://webs.uvigo.es/refiedu/Refiedu/Vol1_3/anton.pdf

Outras administracións xa teñen dado o paso a este tipo de productos para aforrar  custos: goberno do Brasil, Xunta de Andalucia, Xunta de Extremadura, Generalitat Valenciana, etc.

A Xunta de Galicia levaba este compromiso no seu programa, pero ao chegar ao poder as promesas esquécense, seguro que pesan mais as comisións, as contrapartidas, as fotos nos xornais, etc.

Ante este despilfarro o BNG ven de presentar unha pregunta parlamentaria sobre este feito ... seguri que nos serve para moito pero polo menos falarase deso nos xornais, e terán que dar algunhas explicacións.
 
 Sobra decir que no Concello de Taboadela o software libre ... non chegou nin se lle espera.

Acude ás manifestacións convocadas polo sindicalismo nacionalista

Hai moitos motivos máis que de abondo para participar masivamente na folga xeral convocada polo sindicalismo nacionalista, mañá, dia 29 de Setembro.
Non pode ser que unha crise provocada polo capital financieiro e polos especuladores a vaian pagar, cun retroceso nos seus dereitos laborais, as traballadores e os traballadores.
NON PODE SER QUE OS CAUSANTES DA CRISE NON ASUMAN A SÚA RESPONSABILDADE E, EN TRONCA, A FACTURA SE LLE PASE AGORA ÁS TRABALLODORAS E AOS TRABALLADORES, en forma de abaratamento do seu despedimento ou do retraso na idade da súa xubilación.
A crise ten coma orixe a enorme influencia da ideoloxía noliberal e dos intereses da grande banca sobre a acción dos gobernos. O Estado español non é en absoluto unha excepción e o Goberno PSOE co apoio do PP, está a aplicar basicamente as receitas que lle son impostas polo Fundo Monetario Internacional, pola Comisión Europea e pola CEOE, organismos todos eles controlados pola dereita e económica.
PARA O GRAN CAPITAL, A CRIESE É UNHA EXCELENTE OPRTUNIDADE PARA INCREMENTAR OS SEUS BENEFICIOS a custa dos intereses das maiorias sociais; asalariados, autónomos, pequena e mediana empresa. Por iso promoven planos de axuste antisociais, contrarreformas laborais, privatizaciós e pensionazos. Infelizmente, os gobernos actúan ao seu servizo.

O 29 de setembro folga xeral

A vindeira semana estou de viaxe fora de España e non poderei asistir á folga xeral do día 29. Credemo que o sinto ben. A lo menos participei onte, xunto co meu fillo nun pasarrúas que a CIG organizaou para ir preparando o ambiente para o 29, con música, repartindo folletos, etc.

Non sei se estades convencidos da necesidade desta folga, eu si, e vouvos resumir en poucas palabras o porqué.

Está claro que se trata dunha folga contra a política laboral do goberno, e con iso penso que xa basta. Se algúen ten dúbida que lea o documento seguinte:

http://www.trasversales.net/RLpresentaNSN.pdf

Claro que se pode pensar que se a folga fai dano ao PSOE, beneficia ao PP, e por iso non deberiamos apoiala. Eu razono doutra maneira. Está claro que o PSOE está virando cara a dereita cada día, ca cal "o PSOE e o PP a mesma ... é". Se esta folga sirve para que o PSOE vire o rumbo e retome as políticas de protección social, de servizos públicos de calidade, de impostos progresivos directos mais xustos, etc, pois benvido sexa. E senón que se fastidien, ou é que non hai partidos de esquerda en España? ¿?

Seguro que os meus compañeiros do BNG de Taboadela secundarán a folga e acudirán á manifestación das 12 en Ourense. Animádevos ... ou polo meno prometede que o pensaredes!

traballo comunitario

Ainda que eu son novo (relativamente) lembro os tempos nos que certas labores do campo se facían de xeito comunitario: a vindima, a escapulla do millo, a malla, a matanza, etc.

Un dos recordos mais fermosos da miña nenez é cando iamos a vindima cos pilos cargados no carro e os rapaces nos adicabamos a pisar as uvas cos pes.

Tamén me lembro, pero xa menos de cando os camiños se facían co traballo de todos os veciños, cada un aportando o que podía.

Hoxe desafortunadamente este espíritu perdeuse a agora o que prima e xuntarse para ... comer.

Eu colaboro coa asociación de veciños "A Rabeda", porque é donde eu vivo e porque me parece un exemplo de armonía veciñal, de colaboración desinteresada, de auténtica comuna. Dende a súa fundación os veciños adecentaron a antiga escola como local de reunións, construiron eles mesmos un galpón (pendello nesta zona) fermoso e agora acaban de preparar unha pista polideportiva (o cemento pulido si o fixo unha empresa a cargo dunha subvención da Xunta de Galicia). A imaxe que acompaña a este texto parécme fermosa: unha ducia de veciños traballando coordinadamente para colocar unha tela metálica a 2 metros de altura.

¿Por qué será que a xente traballa tan agusto nesta asociación? Meus parabéns a súa xunta directiva e por extensión a todos os seus membros ... vaia, para min tamén!

25 de xullo

O día da patria achégase. Como todos os anos en Santiago vaise celebrar unha manifestación multitudinaria en defensa do noso país. O lema deste ano é "fai valer a túa forza".

Pídovos que reflexionedes un pouco sobre esta frase. No mundo de hoxe parece que so valen as influencias, os "enhufes", os caciques, o capitalismo, as apariencias, o trepar polos demais, o egoismo. Creo sinceramente que hai xente que se sinte feliz gañando mais cartos que os demais, tendo o mellor coche, arruinando aos seus enemigos. Envidiase a xente como Amancio Ortega, Baltar, Camps, Jaume Matas, etc. Tipos listos!

Por eso eu preciso ir cada 25 de xullo a Santiago, para darme conta de que hai moita xente en Galiza que sinte orgullo da seu pobo, que valora a súa lingua, que sacrifica moita veces futuros prometedores por ser consecuentre coas súas ideas, que traballa polos demais, que axuda á xente sin esperar recompensa, que é solidaria cos mais desfavorecidos..

Eu dígovos que cando me vexo na praza da Quintana, rodeado de miles de persoas cantando o himno galego ... xa teño enerxía para botar outro ano mais loitando por Galicia, por Taboadela e pola Rabeda. Xa teño motivos para compadecerme dos hipócritas que se arriman á arbore que mais acubilla, de aqueles que cren as últimas mentiras lanzadas ás ondas pola Cope ou por Radio María, dos chivatos do cacique de turno, pobres deles que nunca sentirán o gozo de axudar a un veciño.

Amigas e amigos, espero que tomedes as miñas verbas en positivo, e que compartadas os meus sentimentos: esperanza no futuro, optimismo, confianza na xente ... nos bos e xenerosos!

Galiza, nación! o 25 de xullo a Santiago!

resumen do pleno ordinario

O pasado xoves día 24 de xuño celebrouse o pleno ordinario do trimestre, non exento de "incidencias", como soe ser habitual.

En canto á aprobación da acta do último pleno eu fixen unha matización sobre o nomemento de xuiz de paz pois non se recollía ninn unha soa liña do debate que houbo (argumentos a favor de un e outro candidato).

Logo viña unha moción do PP sobre a reducción de salario dos cargos electos, ou sexa o alcalde no caso de Taboadela. Era unha destas mocións que che envian os partidos e nela argumentabase o da crise, propúñase unha taboa de reducción en función do salario e fiunalmente se pedia que, en aplicación de dita taboa se reducise o salario da alcalde nun 5%. O voceiro do PSOE advertiulles que, segundo a taboa, o 5% corresponde ao rango 13.935 a 27.495 €, cando o Sr. alcalde percibe mais de 28.000 €. Finalmente o Alcalde retira a moción pero di que el se vai reducir o soldo un 5%. ¡Para que vexades para que vale o pleno!

Logo viña unha moción miña relativa ao estudio da posibilidade de empregar as vías do tren que van quedar en desuso para artellar un sistema de cercanías arredor da capital. Pediase que si instase ao Ministerio de Fomento a destinar unha partida no 2011 para analizar a súa viabilidade e mais instar a Xunta de Galicia para que cree un xestor de cercanías en Galiza. Aceptouse por unanimidade e sen debate... espero que se cumpla.

Logo viña unha moción do grupo mixto sobre as medidas a adoptar pàra garantir o futuro da escola. O mesmo día que presentei esta tamén presentara outra, como BNG, sobre o estado da N-525 que non aparecia na orde do día. Motivo: o alcalde non o estimou oportuno pois el xa fixera cousas. Afortunadamente ese día estaba "de boas" e aceptou que se incluise polo procedemento de urxencia. Aceptouse tamén por unanimidade. O que pedía era instar ao MInisterio de Fomento a habilitar unha partida no 2011 para reasfaltar os tramos en mal estado, e mais facer un estudio dos problemas de seguridade da mesma (como o cruce de lama de Prado ou o acceso a Pasadán, punto perigosos nos que os escolares deben cruzar a estrada todos os días.

Entramos por fin no tema da escola, empezou o Sr. alcalde decindo que a el "trailla floxa" a moción, ... esto é empezar ben!. Continuou mentindo ao decir que foi el quen arranxou o problema do peche ao conseguir un alumno mais no Barrio. Recriminado polo compañeiro do VETA, e tras uns momentos de tensión ... volveu a calma. O que nos pediamos na mocións e que se arranxase dunha vez o problema do transporte, verdadeiro motivo do baixo número de cativos. Posto que o Sr. alcalde se comprometeu a traballar para resolver o problema antes do inicio do curso, dende o grupo mixto decicimos adiar a moción.

Logo viña un modificación do PXOM, para tratar de consolidar unha zona industrial delimitada preto da N-525 á altura de Torán, donde xa hai unha nave industrial. Aprobouse por unanimidade.

Finalmente a aprobación dos orzamentos do ano 2010. So votou a favor o grupo de goberno.

Turno de preguntas das que destaco algunhas:

PSOE:

Situación do Consorcio de servizos sociais: hai unha reunión o 4 de xuño no que previsiblemente se decidira a súa conversión en Axencia.

Situación do proxecto para producción de Biomasa na Rabeda. Denegado pola Xunta.

Hai brigada de obras? si, albanel, peón, peósn forestais e axuda a domicilio.

2 facturas de 122 e 124 € por 2 xantares en Santiago. O Sr. Alcalde recoñeceas.

BNG:

Recollida de trastos. Haberá de novo no verán.

Prevención de incenmdios e limepza de fincas. Porán de novo o bando adevrtindo da obriga de manter limpas as fincas.

Estado dass prazas convocadas. Avanzouse, xa enviaron a correción de erros e nomeamento do tribunal.

VETA:

tiven que ausentarme nese momento do pleno e non teño datos.

Plano ordinario

O xoves 24 as 10 da mañán celebrarase o pleno ordinario do trimestre. Os puntos da orde do día son:
1. Aprobación de actas de sesións anteriores
2. Moción do grupo do PP sobre a reducción de salario dos cargos electos
3. Moción do concelleiro do BNG sobre a posta en marcha dun tren de cercanías
4. Moción do grupo mixto sobre medidas a adoptar para garantir o futuro da escola infantil de Taboadela
5. Aprobación da modificación puntual Nº 1 do PXOM de Taboadela
6. Aprobación do orzamento do ano 2010
7. Rogos e preguntas

Como sempre xa vos farei un resume do tratado. Se queredes que faga algunha pregunta concreta poñédevos en contacto conmigo.

Manifestación contra a reforma laboral

d

Hoxe había manifestación en Ourense convocada pola CIG en protesta pola reforma laboral que acaba de aprobar o goberno de Zapatero. 

Ali estabamos unhas 300 persoas contrarias a esta medida e protestando por iso. Nun momento dado eu pareime a pensar: como non ven mais xente? será que están de acordo con esta medida? seguro que non, debe de ser porque esta manifestación a convoca a CIG e eles serán de outros sindicatos .. ou de ningun.

Claro que fai uns días houbo outra manifestación en protesta pola baixada de soldo aso funcionarios e estabamos outra ducia de valentes ... bueno nese caso seguro que era porque a xente consideraba que os funcionarios cobramos moito! porque nese caso tamán a convocaba CCOO e a UGT.

Agora hai convocada unha folga xeral para o mes de setembro, e nese caso si que non hai disculpa, vana apoiar todos os sindicatos, estará convocada contra as medidas económicas e laboarias do goberno en xeral, ... alguén se vai negar a apoiar esa folga?. Polo ben de todos os españois espero que non porque do contrario Zapatero sacaría peito e atizaraianos outro par de decretos, se non o fai antes xa ... o primerio deles seguro que será a reforma do sistema de pensións.

Pensade un pouco: quen son os que gañan sempre con este tipo de reformas?, que empresas seguena ter beneficios millonarios, haxa crise ou non? ... pois claro: OS BANCOS! E dende o goberno tómase algunha medida, pois si ... pero a favor deles, non sea que algún de en quebra, ou lle suba a ratio de risco ou baixen os seus beneficios ... deus me libre!.

Bueno, sinto o rollo, pero viñen un pouco cabreado da manifestación. E a verdade é que non so por ela, en realidade estiven pensando: as medidas de Zapatrero son pésimas, e se ten algo de vergoña debería de dimitir e irse .. pero por outra parte penso, para que, para que veña Rajoy? Deus nos pille confesados se nos goberna os eñor ese dos "hilitos de plastilina".

A escola segue ... un ano mais

Por fin novas positivas ... menos mal. Fai uns días que as propias nais da ANPA conseguiron solucionar o problema que nos estaba conducindo cara o peche da escola. Elas mesmas conseguiron convencer a unha nai para que matriculase ao seu neno na escola e así acadar o número mínimo para que non se pechase.

Unha vez que lle vimos as orellas ao lobo hai que dar os pasos precisos para que esto non volva pasar.  O grupo mixo (BNG-VETA) ven de presentar unha moción para o vindeiro pleno ordinario coa intención de que se poñan todos os medios precisos para iso, empezando por solucionar o tema do transporte escolar.

Despois do pleno informareivos oportunamente.

A escola infantil en perigo

Onte chegáronme rumores de que é moi probable que peche a escola infantil de Taboadela. Xa levamos varios anos en serio risco porque o número de nenos que acoden á mesma é moi baixo (6-10 nenos por ano), o que o sitúa nos límites impostos pola consellería para mantela aberta.

Este ano coxunturalmente parece que so 4 ou 5 rapaces teñen solicitado plaza na mesma, o que unido á crise actual fai moi probable o peche da mesma. Eso porque non se conta coa previsión a 2-3 anois vista, donde o número de rapaces parace que repuntaría.

Visto con criterios económicos este peche sería normal, polo gasto que supón mantela aberta so para 4 rapaces, e mais cando teñen a posibilidade de ir a Seixalvo. Pero os servizos públicos non hai que velos so con eses criterios. Cando se abriu o grupo escolar de Seixalvo, o meu compañeiro e anterior concelllal do BNG xa tiña claro que eso era unha gran perda para o Concello e así o manifestou naquel momento. O problema fundamental é que un Concello sen colexio propio perde moitas posibilidades para artellar actividades interesantes para os xoves. A proba témola, que actividades extraescolares, culturais, deportivas, etc se organizan en Taboadela?

Afortunadamente ata hoxe tiñamos escola infantil, e por certo cunha magnífica profesora. Entre outras cousas todos os anos eses rapaces ían cantar panxoliñas no Centro de Maiores, visitávanos polas festas de Taboadela, etc. Que vai pasar se se pecha a escola? Van vir dende Seixalvo?

Lamento decir que esta é outra mostar mais de que este Concello avanza coma os cangrexos. É moi fácil decir que as cousas son así, que non se pode facer nada, que se a xente quere levar aos seus fillos a Ourense está no seu dereito e todo iso. Dende logo é máis fácil que buscar os medios para que os rapaces dispoñan dun transporte público para ir a esa escola, buscar fondos para equipala mellor, facer campañas de sensibilización entre os veciños, etc... a bo entendedor poucas palabras bastan!

Moción números 901 e 902

O pasado día 24 debateuse no congreso dos diputados unha iniciativa do BNG que foiu aprobada por unanimidade. Adxuntovos un enlace para ver a nova completa:

http://www.20minutos.es/noticia/712371/0/numeros/901/fijos/

Hai moitas empresas e organismos que empregan números 901 e 902 como canles de información, consulta e comunicación con usuarios. Estes números están asociados internamente a números fixos normais, pero esta equivalencia non é publica. Problema: as chamadas a estes números son mais caras e non as cobren as tarifas planas en chamadas a fixos.

A iniciativa aprobada o día 24 esixirá as empresas que fagan públicas esas equivalencias e insta ao goberno a obrigar as compañías telefónicas a incluir nas tarifas planas este tipo de chamadas.

Outro exemplo mais de que a nosa presencia en Madrid sirve para algo!

Accións en defensa do parque empresarial Val da Rabeda

Penso que non é preciso repasar de novo a situación do proxecto para o parque empresarial do VAl da Rabeda: estancado. Tamén teño contado neste blog que o BNG e o resto de grupos da oposición decidimos por en marcha unha serie de iniciativas para reactivar este tema e facer que o noso alcalde "se puxese as pilas".
En relación con isto quería informar que no día de onte presentamos no rexistro de edificio administrativo da Xunta en Ourense un escrito asinado polos voceiros de todos os grupos da oposición, acompañado das sinaturas en apoio recollidas nas semanas anteriores (arredor de 300). No escrito pedimos unha cita co delegado da Xunta en Ourense para que nos informe do estado actual do proxecto e das previsión. Fixémolo porque do noso alcalde non sacamos nada en limpo, so que foi falar con Feijoo deste asunto ...

o tren de cercanías

A semana pasada o senador do BNG, Pérez Bouza, presentou no Senado unha proposta para pedir que se faga un estudio previo sobre a viabilidade de implantar un servizo de cercanías aproveitando as vías que quedarán en desuso coa chegada do AVE.
A idea sería conectar as vilas de Ribadavia e Carballiño coa capital, pero tamén ofrecer servizo a outras zonas, como Taboadela, aproveitando a estación do Mesón.
Para implicar ao resto de administracións no proxecto farase tamén a solicitude ante a Xunta de Galicia e ante os Concellos afectados. Eu mesmo presentei onte unha moción no Concello de Taboadela neste sentido.
Concretamente o que se pide é:
1) Instar ao Ministério de Fomento a que inclua, nos orzamentos do ano 2011, unha partida orzamentaria que permita elaborar, á maior brevidade posible, os estudos informativos pertinentes para a posta en marcha dun servizo de cercanías que una Ourense e a sua area de influenza coas Comarcas do Ribeiro e Carballiño.<
2) Instar á Xunta de Galiza para que lle dea continuidade e avance na criación dun ente xestor das cercanias en Galiza para a xestión dos distintos servizos, entre eles o de Ourense.

Novo grupo no facebook

Onte decidin crear un grupo en Facebook, chámase "ideas para unha Taboadela mellor".
Non pretende sre un sitio do BNG, ou polo menos non soamente. A miña intención é recoller as suxerencias, críticas e comentarios da xente. Entre todos iremos vendo se parecen interesantes para a maioría, como poderían poñerse en práctica, etc.

Tamén será unha maneira de coñecer que xente relacionada con Taboadela, e preocupada por o seu futuro, se move neste mundo do Facebook.

Por suposto podedes empregar o grupo para comunicar novas, denunciar cousas mal feitas, etc. Total liberdade.

Agora toca aportar ideas constructivas ... a ver se dou exemplo e escribo algunhas cousas.

A importancia te ter unha eurodiputada galega

Hoxe pola mañán asistín a unha conferencia que pronunciou Ana Miranda na Facultade de Ciencias de Educación de Ourense (na foto está ela xunta á decana dese centro, Mercedes Suárez).

Ana foi cabeza de lista do BNG nas anteriores eleccións ao parlamento europeo. Ainda que actualmente non é eurodiputada (serao a parires de 2002) traballa na sede do parlamento europeo (faino xa dende a época de Camilo Nogueira).

Hoxe contounos como funcionan as institucións europeas dende dentro, como se negocian os acordos e enmendas, como operan os lobbies, cómo hai eurodiputados currantes e outros que so quentan a cadeira. Pero sobre todo contounos o imporante que é ter xente galega en Bruxelas, mellor dito, xente que defenda os intereses galegos, porque eurodiputados galegos hai bastantes máis.

Tamén nos contou que Galicia non ten representación de seu na Unión Europea porque o estado español non quere, e que de facelo a Galicia corresponderianlle 7 ou 8 eurodiputados. Dixo que o galego non é oficial no europarlamento porque Madrid non quere, mentres que si o son o maltés ou o letón, con moitos menos falantes.

Por último transmitiunos palabras de esperanza, mencionando a importancia de estar en Bruxelas, aínda que sexa cunha soa persoa, do moito traballo que ten, pero tamén das moitas enmendas que ten propiciado e das reunións nas que ten participado. Para que logo digan que votar ao BNG nas eleccións europeas é un voto perdido. Xa quixeran outros ter xente tan valiosa como Ana Miranda!

Ánimo Ana, eres a nos "pica en Flandes".

Adxudicadas as obras do AVE

Fai uns días lin na prensa que xa se adxudicaron as obras do AVE no tramo Ponte Ambía-Taboadela, emtre outros (http://www.laregion.es/noticia/123822/ourense/ave/alta/velocidad//). As obras adxudicáronse a "Vías y construcciones por máis de 85 millóns de euros.

Sorprendeume un pouco a nova porque aínda non se fixeron as expropiacións. Tratarei de informarme a ver que plazos de execución hai e xa o publicarei.

recollida de sinaturas a prol do galego

A plataforma Queremos Galego está liderando unha recollida de sinaturas para unha iniciativa lexislativa popular "pola garantía dos dereitos lingüisticos".
Como neste tema hai moita terxiversación e moitas mentiras non vou facer ningún resume nin interpretación desta proposta de lei. Podedes consultála íntegramente na seguinte dirección:
texto da iniciativa lexislativa popular

Eu teño follas para recoller sinaturas e vou tratar de recoller por Taboadela todas as que poda. Se queredes asinar e non coincidimos chamádeme por teléfono ou enviademe un correo: irei donde faga falla.

Este ano máis ca nunca vai ser moi imporante asistir á manifestación do día das letras galegas o 17 de maio. Ninguén conseguirá acabar coa nosa lingua, nin xiquera Feijoo e os seus acólitos.

O pequeno val da RAbeda

Despois dun ano de incertezas sobre o futuro do Val da Rabeda por fin sabemos que quere facer a Xunta nestes terreos. Do proxecto iniciado polo bipartito pouco queda, nada de desenvolvemento integral dunha zona de mais de 4 millons de metros cuadrados, nada de integración co entorno, nada de vivendas nin de parque agropecuario, nada de rehabilitacións dos núcleos rurais.

Afortunadamente o goberno anterior xa tiña mercados moitos terreos, o 80% dos que ían ser as primeiras fases do proxecto, tanto en Taboadela como en Paderne. Penso  que esta é unha das causas que motivaron esta decisión da Xunta, a de desenvolver dous polígonos de 1 millón de metros cadradoas en cada concello.

A Xunta argumenta que o proxecto anterior era inviable, que non contemplaba o trazado do AVE, que non sei que problema había cunha liña de alta tensión, que non se precisan tantas vivendas, etc. Ao primeiro punto direi que é falso, o trazado do AVE estaba contemplado e de feito limitaba o futuro polígono polo sur. Ao segundo punto direi que tamén é falso, a presencia da liña de alta tensión é perfectamente solventable, pode que soterrándoa pero non necesariamente. Eu mesmo vivín moitos anos en Milladoiro, preto de Santiago de Compostela. Ali fíxose un polígono industrial que estaba cruzado por unha liña eléctrica semellante e non houbo ningún problema, Dende logo non se poden facer naves debaixo dela pero eso non imposibilita o plan. Por último, respecto das vivendas, vese claramente que Feijoo non vive en Taboadela, nin fala cos seus veciños, porque senón non podería decir que non fan falla vivendas. Canta xente deste concello se foi a vivir a Ourense ou Allariz por non atopar vivendas no noso concello?

Como son unha persoa positiva vou rematar dicindo que ... algo é algo. A verdade é que eu xa vía a cousa moi negra e pensei que o proxecto ía quedar definitivame parado. Tería algo que ver nisto a recollida de sinaturas promovida polos tres grupos da opisicón? Ou a solicitude dun pleno extraordinario para tratar este asunto? Ou a pancarta que conminaba ao Sr. alcalde a facer algo ao respecto? Que cada un opine o que queira. A opinión do Sr. Alcalde xa vola adianto eu: a aprobación deste proxecto débese exclusivamente as entrevistas que el tivo co Concelleiro de Infraestructrura e co propio Presidente Fijoo.

Por certo, dixéronme que onte día 9 o Sr alcalde saíu na TV amosándose descontento con este plan ... supoño que por consideralo insuficiente. Eu non o vin pero se á asi, todo o meu apoio Sr. alcalde, concordo con vostede. Se quere loitar para acadar algo mellor ten todo o meu apoio.

Que méritos debe ter un xuiz de paz?

Teóricamente un dos principios que rixen as democracias modernas é a separación de poderes, asi o expresaba Aristóteles na súa Política ou Montesquieu na súa obra "O espíritu das leis".

Fixádevos que digo teóricamente porque coido que no ano 2010, estados como o español non están cumprindo esa máxima. As cortes nomean aos membros do Tribunal Constitucional, os xuíces métense a ministros, os fiscais obedecen ordes dos ministros ...

E a conto de que vén todo isto? Que ten que ver con Taboadela? Hoxe celebrouse o pleno ordinario no cal o quinto punto da orde do día era "Elección de juez de paz titular" (para non desviar o tema non comentarei o feito de que o punto esté en castelán). Eu tomeime a molestia o día anterior de consultar a documentación do pleno para ver os méritos alegados polos candidatos.
Había dous, un era o actual Xuiz de Paz, Gerardo Quintas, o outro Ramón Martínez. Os méritos alegados polo primeiro eran o feito de ter desempeñado o posto durante varios anos e o de ter unha pequena empresa; de estudios, fomación específica,etc. non dicía nada. O segundo é licienciado en dereito, especialista en criminoloxía e adxuntava asimesmo documentación de moitos outros cursos relativos á xusticia e á administración.
¿Que pensaría calquera de vos? Eu diría que a cousa non ten cor, que o segundo levaría o posto de calle. Eso pensaría calquera... que non soubera como funcionan as cousas no Concello de Taboadela ... pero eu non, se tivese que apostar faríao sen dúbida polo primeiro. Agora me explico.
¿Qué méritos pensades que debe de ter un xuíz de paz? Supoño que diriades formación sobre aspectos xurídicos, formación sobre tarefas administrativas, tal vez actividade demostrada a prol dos máis desfavorecidos (ONGs, asociacións veciñais, ...), traxectoria profesional, etc.
Claro, eso pensariádelo vós, pero eu non. En Taboadela a cousa é máis sinxela que todo iso, o único mérito válido é: qué servizos tés desempeñado para o Sr. alcalde? que che debe o PP? cantas palmadiñas no lombo das cada día? cantos votantes carrexas en cada elección?
E como eu sei dos "méritos" do Sr. Gerardo Quintas pois non tiña dúbida do que ía pasar .. e así pasou.
Nese punto o voceiro do PP, señor Manuel Gallego Cid, dixo que o seu grupo opinaba que o mellor candidato era o sr. Gerardo pola experiencia no posto, polo ben que o tiña feito ata o momento e polo coñecemento do concello. Lóxicamente quedáronse sós nesa opinion porque todos os demais grupos votamos a favor de Ramón Martínez.
No nome dos concellais da oposición e das persoas con algo de vergoña neste concello, Sr. Ramón Martínez ... PERDÓN.
En momentos como este eu, e penso que moita mais xente, sentimos vergoña deste grupo de goberno ... pero tamén sentimos pena de algúns concellais. Como decía Xesús de Nazaret "Pai, perdóalles porque non saben o que fan", eu creo que moitos deles levantan a man porque a levanta o seu xefe, pero relamente non saben o que fan, ¿pensades que algún deles tivo a dignidade de examinar o CV dous dous candidatos?

Pleno ordinario de marzo

Mañán xoves as 10 da mañán teremos o pleno ordinario de marzo. A orde do día é a seguinte:

1. Aprobación de actas de sesións anteriores

2. Mocións do BNG

3. Mocións do PSdeG-PSOE

4. Moción do PP

5. Eleccións de xuiz de paz titular

6. Aprobación do regulamento de servizo municipal de abastecemento de auga

7. Rogos e preguntas

As miñas mocións son duas, unha para pedir que se inclua un punto nos plenos no cal o sr. alcalde informe dos asuntos tratados no periodo (convenios asinados, autorizacións, xuntanzas, ...) e outro sobre a privatización dos servizos sociais por parte da Xunta de Galiza.

Sabedes que calquera pode asistir aos plenos asi que animádevos. Despois do pleno informarei dos resultados.

nace un novo blog

Hoxe é un bo día para min. Acabo de recibir un correo do meu primo Pablo para decirme que decidiu poñer en marcha un blog no que opinar sobre temas de actualidade.
A dirección do blog é a seguinte: http://www.ventodemaza.blogspot.com/ 
Espero que cunda o exemplo, poñer en marcha un blog é moi doado e digovos que é unha actividade moi gratificante escribir nel, sabendo que vas ser lido por outra xente, moit ou pouca, eso é o de menos.
Espero que todos vos visitedes o seu blog e vos fagades seguidores del para recibir un correo cada vez que Pablo publique unha nova entrada, eu xa o fixen.

Ánimo Pablo, loitemos polo galego, loitemos por Galiza, loitemos pola liberdade.

Unha nova positiva que chega dende Madrid

Acabo de ler unha nova que me reenvian do BNG comunicando que un dos nosos diputados, Francisco Jorquera, ven de negociar unha proposición co resto de grupos para ser aprobada no congreso en relacións coas licencias de ocupación do espectro radioeléctrico.

Como sabedes a TV, a radio e a telefonía móvil fan uso do espectro radioléctrico, das "ondas" para as súas emisión. Salvo unha banda moi específica de frecuencias requírese unha autorización para emitir. Ata o de agora os concursos para adxudicar esas bandas de frecuencia eran sempre nacionais, a compañia que asume unha frecuencia faino para todo o estado.

Coa iniciativa que agora se vai aprobar permitiriase e favorecerase que estes concursos se fagan a nivel autonómico. Esto é moi importante porque como consecuencia do apagón analóxico van quedar moitas frecuencias libres que haberá que asignar de novo.

Outro dos puntos da iniciativa di que se retirarán as licencias as empresas que non as exploten nun tempo prudencial. E di tamén que se valorará especialmente as solicitudes que contemplen compromisos de cobertura no medio rural.

Como vedes ter a lo menos un representante no congreso é un asunto mi valioso para Galiza.

E en que nos afecta esto para Taboadela? Pois non diexamos de ser un concello rural asi que o feito de que aumente as posibilidades de cobertura de comunicación no noso territorio sempre é bo. Poderiamos mellorar a nosa cobertura de Internet e de acceso á telefonía móbil, ter mais canles de TV ... en galego, ou en inglés por que non!

Finalizo este "post" cunha solicitude. Se sabedes de algunha zona do Concello que teña mala recepción de TDT por favor decidemos. E tamén vos pediría outra cousa, indicádeme por favor se sabedes de algunha estrada en mal estado,  de moitas xa sei eu pero pódenseme escapar algunhas.

55 mentiras sobre o galego

O pasado día 5 de febreio presentouse simultanemanete en varias vilas de Galicia e do extranxeiro o libro titulado "55 mentiras sobre a lingua galega", coordinador por un amigo meu, catedrático na universidade de Vigo, Xosé-Henrique Costas.
Eu fun á presentación en Allariz pero non puiden mercar ningún exemplar porque se agotaron rapidamente. De modo que non foi ata a semana pasada que o merquei. Remateino de ler onte.
É un libriño pequeno e barato (8 euros) que vos recomendo. Como o seu título di enumera 55 afirmación sobre o galego que soemos escoitar pola calle (os pais teñen dereito a decidir a lingua que queren para os seus fillos, o galego non serve como idioma de ciencia, etc) e expón uns interesante argumentos para desmontar esas falsedades.
Por exemplo, respecto da primeira delas comenta que seguindo esa lóxica os pais teñen dereito a decidir se os seus fillos teñan que estudar matemáticas, ou filosofía. Tamén di que entón un galego residente en Madrid podería pedir que os seus fillos se eduquen en galego. Lóxicamente son as autoridades académicas as que definen o programa educativo de cada ciclo, e non os pais.

É unha pena que fagan falta libros como este para explicar que o galego é a nosa lingua propia, que todos debemos de coñecela, que nunca estorba, que os estudantes galegos non son mais parvos que o resto nin teñen menor nivel de matemáticas ou de física por estudalas en galego. É unha pena que ata fai ano e medio non houbese problemas nin debate social co galego pero claro, chegou Galicia bilingüe, chegou Rosa Díez e o PP decidiu que non queria deixar escapar os votos dos antigaleguistas asi que fixo bandeira deste tema e asi estamos, cun novo borrador do decreto do galego que propón que galego, castelán e inglés participen ao 33% no curriculum educativo .. cousa que ahora matizan e din que non, que galego e castelán ao 50% .. pero eso xa era o que había ... vamos que o o mesmo do mesmo pero polo medio satanizamos aos nacionalistas, eses que odian todo o castelán, gañammos unhas eleccións e logo ... pois Dios proveerá.

E Taboadela segue igual, como por aca non parece que teñamos esos problemas metafísicos coa lingua, pois nos ao noso.

Alcalde: parque empresarial ¡xa!

Hoxe acabamos de colocar unha pancarta co texto "Alcalde: parque empresarial ¡xa!". Fixemolo os tres grupos da oposición conxuntamente.

Pode parecer un lema duro e mesmo pode parecer que o alcalde non ten a culpa de que a Xunta de Galicia teña o proxecto do parque empresarial do Val da Rabeda no limbo asi que quero explicar o motivo desta pancarta.

1) Dende a oposición se falou co grupo de goberno para que liderara as reivindicacións ante a Xunta de Galicia. Resposta: largas e mais largas

2) No pasado pleno queixemos presntar unha moción ao respecto, que foi rechaza por ser entregada fora de plazo, cando puido ser admitida polo procedemento de urxencia.

3) Se a Xunta non quere facer nada nos terreos adquiridos terá que ser o Concello o que busque unha solución: negociar coa Xunta, buscar outra localización. De momento non moveu un dedo ... que saibamos.

4) O responsable de que o Concello esté como está é o Alcalde, non queremos que este "tren", como tantos outros pase de largo.

En fin que a nosa paciencia ten un límite.

Puxen esa foto para ilustrar unha idea e unha frase histórica: o pobo unido xamais será vencido. Por nos no ha de quedar, pero nós non somos suficientes, precisamos o apoio do pobo para acadar a repercusión pública suficiente para que as autoridades pertinente se sintan un pouco "molestas" e decidan sacudirse a mosca cojonera ... eses seremos nos aguilloando e pinchando ata que se den por vencidos.

Este sábado as 10 da mañán haberá un pleno extraordinario para tratar este tema, pleno solicitado por todos os concelleiros da oposición. Queremos que a xente acuda, que o Alcalde se sinta presionado, que vexa que non e unha tolea de catro exaltados

Estamos facendo tamñen unha recollida de sinaturas para entregar na Xunta de Galicia pedindo que se aclaren dunha vez, que digan que queren facer neses terreos e cando. Se ainda non asinache chámanos (630626767).

E ainda temos corda para mais, desta vez non imos calar ata acadar o obxectivo: un parque empresarial para Taboadela.

Resumo do pleno

O pasado día 14 de xaneiro tivemos pleno no Concello, como xa vos informei nunha nova anterior. Tamén xa sabees que non aceptaron anosa moción sobre o parque empresarial do Val da Rabeda por non considerar oa sunto urxente.

Paso agora a resumirvos o resto do pleno.

1. Aprobación de actas das sesión anteriores.
Pedinlles que modificasen a coestación do alcalde a miña pregunta sobre os custos dos concertyos de SoutoMaior para o Concello. Tiña posto "os concertos nada", cando realmente se dixera que "o equivalente a 3 ou 4 días de traballo dunha fersadora, un pisón e unha cisterna". Tamén o concellal do VETA pediu algunha outra rectificación.

2. Moción do grupo municipal socialista.
Era un proposta de obras para finaciar con cargo ao Plan E. Rechazouse cos 5 votos do grupo de goberno. Por se tiñamos algunha dúbida o tenente de alcalde dixo textualmente: "quen gobernamos somos nos e quen vai decidir o que imos facer somos nos". ¿Entón para que sirve o pleno?

3. Aprobación do regulamento do servizo municipal de abastecemento de auga
Deixouse pendente porque a oposición non coñecia o contido de dito documento.

4. Aprobación da taxa reguladora para a protección dos camiños rurais e vías públicas municipais.
Trátase dunha proposta para cobrar polo tránsito de camións pesados pola vías municipais. Preséntase coa intención de poder cobrarlle as empresas do AVE no seu momento. Eu chámolles a atención sobre algúns aspectos: haberá que cobrarlle a todas as empresas do concello (formigón, espiñeiro, granxas, etc, ¿quen vai controlar o cumprimento da norma? Ao final danse conta de que esa norma ia traer mais problemas que vantaxes e deciden deixala pendente.

5. Adaptación á lei orgánica de protección de datos
É un asunto de trámite habitual, apróbase por unanimidade.

6. Adhesión ó convenio de colaboración coa deputación para a constitución dunha agrupación de entidades locais para a tramitación telemática de procedementos administrativos.
Outro asunto de trámite, apróbase por unanimidade.

Antes de pasar a rogos e preguntas solicito que se admitan as mocións presentadas polos 3 partidos da oposición e mais duas que eu presentaba en solitario. Como xa indiquei nunha entrada anterior non se acepta porque non se considera urxente.

Rogos e preguntas (resumen)
Concellal do PSOE:
- Hai novedades respecto das xestións polo Val da Rabeda. Non contesta nada porque non está en condicións, espera facelo proximamente.
- Presentouse a liquidación das festas da familia. Si, na comisión de goberno de decembro. ( Comentario do Sr. Alcalde "...pois en tempos de crise hai que ter festas").
- O grupo municipal do PP presentou o ano pasado unha moción de ausetridade dos gastos municpais, sen embargo mantivo a comida de nadal, o cal non parece moi coherente.
-¿Está feito o inventario municipal de bens? Chegou onte.

Concellal do VETA
- Respecto dos gastos correntes (telefonía no campo de futbol, alumeado público, ...) oberva que se ioncrementan.
- ¿Por que non se puxeron os mismos badéns en TAboadela que en Pereriras para controlar o esceso de velocidade? A COTOP non o permite.
- ¿Como está o proceso selectivo de persoal? Non se fixo ningun contrato, so para axuda a domicilio. As oposicións están na fase de corrección de erros e selección do tribunal.
- Multa por non ter pasada a ITV dun vehículo do Concello. É que non se deron conta de que era un vehículo industrial.
- Pide a retirada dos materias de obra que siguen depositados diante do Mara.
- ¿En que queou o da GAlescola? Está parado.
Roga por último que se cumpran os acordos do pleno e que se presentes os presupostos en tempo.

Concella do BNG:
- Estado das pistas municipais, obras na estrada Reguenga-Telleria, auga correndo polo asfalto, ...¿teñen algún plan de conservación e limpeza das cuntas? so de limpeza das cunetas.¿van continuar coa política de asfaltado das pisats? si.
- ¿Como vai o asunto do ADSL de Santa Leocadia? repiten o do proxecto para instalar unha rede Wimax, pregunto se teñen conversas con Telefónica e dinme que si.
- Por enémisa vez pregunto polo das marquesinas ... segue pendente, ainda que agora recoñecen que non é un problema de "deseño" seón de cartos.
- Fagolles notar o custon da caseta do bar da piscina do San Xoan: 22.153 euros, a falta de algunha factura mais e de que a propia brigada do concello fixo algo. Pareceulles un custo normal.
- Fallos no funcionamento do TDT, pregunto se son conscientes e se informaron para tratar de solucionalo.
- ITV dos tractores: houbo fallos de información, non se sinalizaou convintemento o paso pola N-525 ainda que eu lles advertira do perigo. Pareceulles que todo estivo ben.

Disculpade pola extensión pero queria non deixar nada importante.

O parque empresarial do Val da Rabeda non é urxente para o Sr. Alcalde

O pasado xoves día 14 tivemos pleno no Concello, tiña que ser o día 7 pero polas razóns que sexa non foi.

O luns día 11 presentamos unha moción asinada polos 3 grupos políticos da oposición para pedir a adopción de medidas encamiñazas a relanzar o proxecto do parque empresarial do Val da Rabeda, proque viamos que a cousa está mais que parada. O luns pola tarde deronos a convocatoria e vimos con sorpresa que esta moción, e outras duas que eu presentara en nome do BNG, non estaban incluidas na orde do día. Chegado o día do pleno preguntamos e dixéronos que xa tiñan a convocatoria feita do día 8 e que por eso non as incluiron. Ainda que legal esta é unha maneira de actuar nada "ética" coa oposición que non coñece cando se van celebrar os plenos con exactitude.

Visto o cal, no momento oportuno solicitamos que se incluiran ditas mocións polo procedemento de urxencia, algo perfectamente legal e bastante habitual. Entón o Sr. alcalde dixo que non o aceptaban porque as mocións foran presentadas fora de plazo, a Sr. secretaria corríxeo decíndolle que eso non impide que se acepten polo procedemento de urxencia. Entón o alcalde di que non se consideran urxentes e que por iso as rechaza.

Para que vos fagades unha idea da paciencia que tivemos, tratando de implicar ao grupo de goberno na tarefa de reivindicar a construcción dese parque empresarial resumovos a cronoloxía dos feitos.

Alá polo mes de outubro, cando se empezou a coñecer o borrrador dos orzamentos da Xunta de Galicia, vimos con sorpresa que a cantidade asignada para este proxceto era de 20.00o euros. Entón os concelleiros da oposición decidimos que tiñamos que movilizarnos en contra desa aldraxe. Quixemos coñecer a opinión do Sr. Alcalde para ver se podiamos contar co seu apoio. El remitiunos ao tenente de alcalde para que tivesemsos unha reunión, tras unha semana de espera coneguin falar con el, quen me dixo que estaba moi ocupado e que esperasemos unha semana, volvo a chamalo e outra semana mais de espera. Finalmente reunimonos á finais de novembro.

Nesa xuntanza recoñoceu que nos dera largas porque o Sr. Alcalde estaba tratando de reunirse co Conselleiro de Medio Ambiente. Díxonos que tiña concertada unha cita para o 17 de decembro e que xa nos informaría do resultado. Nos dixémoslle que non nos valían promesas ou boas palabras, que cumpria, senón unha modificación inmediata dos presupostos si un compromiso público de que se ia levar adiante o proxecto e que nos próximos presupostos haberia fondos para el. E dixémoslle que precisabamos ter información antes do pleno, para ver como actuariamos nel.

Chegou o 17 e ninguén nos chamou. No nadal eu mismo faleui co Sr. Alcalde quen me dixo que xa nos informarian no pleno pero que a cousa non pintaba ben de momento, que non había moito que facer. Eu díxenlle que nese caso nos, a oposición, estabamos obrigados a facer algo, porque a cousa non podía quedar asi.

Ainda que estabamos de acordo en presentar unha moción, quixemos agardar ata o último momento para ver se nos daban mais información, ou se había algun movemento ao respecto. O venres 8 recibimos a confirmación de que o pleno ia ser o día 14 polo cal o sábado 9 nos reunimos para redactar a moción e presentala o luns 11, como soemos facer habitualmente. O resto xa o sabedes.

En resumen, que o Sr. Alcalde pretende seguir dándonos largas, a ver ata cando pode chegar. Nos dende logo non imos quedar calados. Pronto teredes noticias das próximas actuacións a este respecto. Se queredes colaborar nas actividades de protesta que fagamos escribideme.

Seguidores

Acabo de engadir un enlace "seguidores" na parte dereita do blog para que a xente que o desexe se inscriba como seguidor ou siareiro deste blog.

O único que tendes que facer é premer no enlace "seguidores". Podedes facervos seguidores "públicos" ou privados, que non aparecen na pantalla.

Animádevos que sempre mola ver que non escribes para ti so.

Nova lagoa en Taboadela

Fixádevos ben na foto, a ver quen é o primeiro que descubre donde foi tomada. Vou dar algunhas pistas.
Trátase dunha estrada local do Concello de Taboadela e ainda que o pareza non hai ningún rio nos arredores.
Toda a auga que vedes non é mais que o resultado dun continuo descoido no mantemento das pistas do Concello. Non se limpan as cunetas, os tubos obstruense ... e a auga encora, reborda e cubre a estrada.
Esta fotografía foi tomada o día 13 de xaneiro de 2010.
Outra pista mais, o lugar está situada moi cerca das futuras vías do AVE, preto da entrada do futuro tunel, se é que finalmente se escolla a "alternativa 2".

Aproveito para decir que mañán xoves temos o pleno extraordinario de decembro ¿?, teredes cumprida información do que alí aconteza.